قبل شوي
كلمني واحد منن الشباب
يشتكي من نسما
طبعا الولد ماله يومين مشترك فيها
مو شغال عالجهاز غير الماسنجر
الصفحات مو قادر يفتحها؟
غريبه
طبعا أنا ماأحط اللوم عالشركه
يمكن هو في إجراء ماسواه بالشكل المطلوب
هو يقول انه أخذ الإشتراك مستعجل
ولا ماكان يبيه
يعني حق الزنقه
الله يعينه ويعيننا على غثا هالشركات
*فاصل إعلاني
(واقول له
في مثل هالمواقف
خلك على قردك لايجيك اقرد منه
عاد انا ماياكل معي هالمثل
بطبعي أحب اغير وأجرب
الله يعين نفسي علي)
وهذا جزا اللي ماياخذ احتياطه من بدري
وهي مشكله عامه يتفق عليها الغالبيه
ننتظر الين آخر لحظه
مع انه لو بكرنا شوي ماراح يظرنا
ماشي كل ماجيت عند ال ض و ال ظ تطري علي
أتذكر تدوينتك الأخيره ومشكلتك مع ال ا وال أ
تدري مشكلتكم أسهل من مشكلتي
بس انت ماشاء الله عليك سعيت لمعالجتها جذريا
أما أنا أعالجها وقتيا مستعينا بمحرك بحث قوقل
اللي حتى هو مارساني على بر
قبل كم يوم احترت في كلمة
مسئوليه
تكتب كما سبق
أو
كالآتي
مسؤليه
طلعلي قوقل ب خيار ثالث
اللي هو
مسؤوليه
عقب اللي خلاني أقرر وش هي المواقع اللي كاتبه
وكتبتها مسؤوليه
مع أني أميل إلى كتابتها بها الصيغه مسئوليه
اليوم في التدوينه اللي قبل هذي كتيتها بالصيغه الثانيه
وانشاء الله أحاول أحل المشكله جذريا
دمتم بود
أحدث التعليقات